Tag Archives: heartbreak

Hindi Ako To

20 Jun

Hindi ko pinili ang saktan ka.

Pero iyon ang resulta ng iyong ginawa.

Hindi ko ginusto na umiyak ka, bumagsak ang balikat, magmukhang kawawa.

Pero iyon ka, dahil kinumpronta.

Hindi ko ninais na mahirapan ka.

Pero ikaw din ang may sala.

Hindi ko naisip, na ako pa ang magtutulak sayo palayo.

Dahil ikaw, sinagad mo ako.

Hindi ko pinangarap na maging ganito–Kontrabida sa paningin mo.

Hindi ganito ang pagkatao ko.

Pero nilabas mo to.

Hindi masaya ang makita kang nagdurusa.

Pero sa bawat pagtanggi mo ng mga katotohanang alam ko na,

sa bawat hakbang para mapaniwala ako sa mga kasinungalingan mo

sa bawat “hindi” na ang totoo’y “oo”,

sa bawat “oo” na hindi naman magkakatotoo–

Nasasaktan ako.

Kasi mahal pa din kita kahit kinamumuhian kita.

At nakakalungkot, na alam kong mawawala din ang poot,

pero mabubura na ang tiwala, mapapalitan ng kirot.

Advertisements

babaeng gipit

13 Dec

ilang beses akong nasabihan na “galit” ako

ilang beses nilang pinaramdam na ang opinyon ko’y di na kailangang pakinggan

ilang beses nang ang pananamit, estilo ng buhok, maging ang bangs, pati ang hugis ko — hindi sila makontento

na para bang may say sila sa katawan at porma ko,

na para bang maharlika silang dapat sundin,

na para bang sinakop nila ako, alipin at sila ang amo ko

ilan sa kanila, mga taong di ako kilala

ilan sa kanila, akala kilala ako

ilan sa kanila, mga taong mahal ko

alin ba sa mga sinasabi nila ang dapat sundin?

alin ang bibigyang pansin?

alin ang kaya kong indahin?

minsan, sa bigat ng kalooban ay bubuhos ang luha

minsan, sa sakit ng mga salitang nabasa, narinig ay mapapaluhod sa panghihina

minsan, napapakita ko to sa taong kung sinong malapit

madalas, pagkatapos ibuhos ang lungkot

gigisingin ka ng mundo,

kukuyugin ka ng mga responsibilidad mo

papaalalahanin ka na tumatakbo ang mundo,

hindi umiikot sayo,

tumahan ka na sa pag-iyak

punasan ang mukha,

huminga ka,

harapin muli ang ginagawa

kasabay niyan ang pakiramdam na parang hinubaran sa taong napagbuhusan ng emosyon

kasabay nang takot na dulot ng pagpapasilip mo nang iyong pagkatao, ng kahinaan mo:

ang opinyon ng ibang tao

lalo na ng galing sa mga taong mahal mo

pagkatapos ay ang pagsuko.

pagsuko na iparating ang saloobin mo.

pagsuko na ipaliwanag na ang babae kapag natangay ng kanyang emosyon hindi galit kundi gipit

gipit sa oras na kayang ilaan ng mundo upang pakinggan ito

gipit sa pag-unawa dahil natatakot ang ibang mailugar sa tama

gipit sa pera dahil nalalamangan sila

gipit sa respeto dahil “inaangkin” sila

gipit sa kalayaan dahil makapangyarihan sila,

kapag pinalaya mo, bubuka ang pakpak at lilipad, aangat, mas malayo sa narating mo

pero hindi gaya ng mga taong nanglalamang, babalik ang babae sa lupa, magpapakumbaba

bubuhay ng bata, uunahin ang pamilya

T-A-N-G-A

3 Aug

Todo akong magmahal

iAalay buo kong dangal

iiNdahin lahat ng bawal

daiG ko pa nga ang iyong mahal

na sA dulo ika’y tinalikuran
Tandaan mo ito

mAmahalin kita hanggang dulo

maNalig ka sa aking puso

hanGgang sa itakwil mo

tangA na kung tanga 
MagpapakaTANGA para lang  sayo

parang ang sarap magmahal

28 Jan

parang ang sarap nang may minamahal

ang abangan ang kanyang pagdating

ang masabik sa kanyang mga halik

ang damhin ang kanyang paglambing

 

parang ang sarap nang may nagmamahal

may kasukob sa ulan

may kayakap hindi lang ang unan

may kasama sa patutunguhan

 

parang ang sarap magmahal

ang kiligin kahit hindi pansin

ang sabikin kahit sa iba nakatingin

ang magmahal kahit hindi ikaw ang ibigin

 

 

inspired by: MARTA

3 Mar

Ako si Marta

Dalagang ina

Nagmahal nung una

Nanganak mag-isa

Nagalit sa mundo

Sabi ko noon, “Unfair ito!”

Buti pa siya, walang dinadala

Magiging ama, pero hindi halata

Kung umasta parang binata

Walang anak na iniinda

Kung ang lalaki kaya ang magdala

Para sa ‘pag puntong ako’y nanghihina

Makikipag-inuman naman sa barkada

Tutal, lalaki na ang may dala

Ng batang binuo naming dalawa

Kung lalaki na ang magdadala

Pwede na akong maglakwatsa

Maghahanap ng damit

Kaya nang magbuhat,

kahit maraming bitbit

Pero hindi, dahil kung lalaki ang magdadala

Sasamahan ko siya

Kapag kumirot ang tiyan?

Dali-dali kong hahalikan

Kapag umiiyak, kahit walang dahilan?

Kahit saan pa yan, lagi kong dadamayan

Kapag di makatulog

Naghahanap ng niyog

May buko naman sa kanto

Kukunin ko alang-alang sa mag-ama ko.

Pero kahit hindi lalaki ang magdala

Kahit ako na dahil ako naman talaga

Kakayanin ko, iparamdam lang niya

Nabuo ito nang hindi ako mag-isa

At siguruhin niya

Ilalabas ko itong magkasama kaming dalawa.

to BE and not to BE

4 Mar

so how is this going to work?

how mature should i be?

here’s two things:

1. i get over the past, forget about it and ACT mature.

2. i tackle the past, make peace with it and BE mature?

these days, people want it all fast, instant.

no lingering, no dwelling and they do move on. but i doubt there’s no going back.

now, hear me.

i prefer the slow and hard way. i would want to choose that for myself.

i will be crying more, whining more… that’s how i want to recover.

they are immature acts, yes.

but it won’t stop there. i wouldn’t want it to stop there.

i will give it all; squeezed out all the tears, bring out all the negatives…

up to the point where i won’t be able to recognize the wrong things in my past

because there won’t be. i wouldn’t want it to be.

for every thing happens for a reason, right?

i believe that.

and when i’m ready.

i’ll be embracing today, my “present”.

then, maybe. hopefully. i’ll BE mature.