Mahal Mo Ako (Di Ba?)

30 Sep

Mahal mo ako, iyan ang sabi mo.

Mahal mo ako kahit noong hindi pa tayo.

Nakakalungkot lang

Mahal mo nga ako pero wala kang tiwala sa “tayo”.

MAHAL. MO.  AKO. Naririnig mo ba yang sarili mo? 

Uulit-ulitin ko, hanggang maging malinaw sayo:

Ang sabi mo, mahal mo ako.

Pero kinukumpara mo ako sa nakaraan mo.

Binuksan mo nga ang pintuan dyan sa puso,

Pero tinutulak mo naman ako palayo.

Pakinggan mo nga yang sarili mo, isa pa, mahal mo ako.

Pero wala kang balak pagkatiwalaan ako

Wala kang balak kilalanin ako.

Una, magkaiba kami ng mukha

Pangalawa, hindi kami parehas ng ina

Pero kahit na, walang dalawang taong magkapareha

Ikaw, ang sabi mo mahal mo ako

Buti sana kung hindi pa tayo,

Hahayaan kitang pagdudahan ako

Pero sinuyo mo ako at naging tayo

At nang magsimula tayo, doon ka nagbago

“Baka lokohin mo din ako.”, iyan ang sinabi mo

Kaya, pangatlo, baka hindi malinaw, hindi ako ang ex mo

Utang na loob, buksan mo yang mga mata mo

Mahalin mo ang nasa harapan mo

Ilayo mo ako sa babaeng nanloko sayo

Magsisimula pa lang tayo 

Pero pinapatay mo na ang relasyong ito

Wag mong ikumpara ang “tayo” sa multo ng kahapon 

Wag mong hayaan na takot ang manalo

Bigyan mo ako ng pagkakataon na lumaban

Bigyan mo ako ng panahon na ika’y alagaan

Gusto kitang mahalin dahil ikaw,

Nakikita kita: ang mga mata mong nagsusumamong ibigin

Kaya paraanin mo ako, mahal ko

Dahil mahal kita

Bigyan mo ako ng pagkakataon na mahalin ka

Wag mo akong itulak palayo

Dahil nagsisimula pa lang tayo

Mahal mo ako, di ba?

Mahal din kita.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: